Riyaya Mangan Pecel Iku Uenak Tenan

Bukit Panguk

Tekan Yogyakarta, aku muter-muter lan kulineran, soko es gelatin, ngopi tekan mangan pecel nang kantin SGPC, seberang Fakultas Kedokteran Hewan, UGM.

Riyaya keloro (Setu, 16 Juni 2018), esuk uthuk-uthuk, aku wis tekan Stasiun Yogyakarta (mbiyen jenenge Stasiun Tugu). Sing njemput wis nunggu soko jam 03:00. Ananging, kereto telat. Kudune tekan jam 04:00 tapi mundur sekitar 45 menit. Ora opo-opo. Jenenge lebaran. Dibanding nyetir berjam-jam, telat semono menit ora masalah. Aku yo ora komplain. Opo maneh nyinyir nang medsos njaluk direktur KAI dipecat lan ganti menterine.

Spot foto nang Bukit Panguk

 Soko stasiun langsung nuju nang kebun buah Mangunan, Dlingo, Bantul. Kiro-kiro 25 km (tepate ndeloko Google Map wae). Jare anakku apik. Sayange ora iso ndelok sunrise mergo wis kawanan. Tekan Mangunan, berubah pikiran. Ora nang kebun buah, nanging nang Bukit Panguk. Tikete mlebu murah, mung Rp7.000. Ono diver room. Sopir iso ngaso lan ngopi gratis. Malah, ono kue kastengele sak toples.

Nang bukit iki akeh spot kanggo foto. Yen arep foto nang tiap spot mbayar Rp3.000. Lan kudu antre mergo saat iku rame banget. "Sayang pak, embune namung sekedhik. Biasane kathal loh," ngendikone ibuk sing jogo spot foto. Lebar foto-foto, pesen sarapan. Umume mung soto, bakso, karo mie instant. Cukup sarapan mie goreng lan milo anget. Soko Bukit Panguk, dilanjut nang Puncak Becici, Dlingo. Bedane, iki alas pinus. Dadi adem. Spot fotone ora bedo adoh karena nggon Bukit Panguk.

Rumah Marsupilami nang Puncak Becici 

Tujuan liyane yaiku es gelatin nang kafe Move On ing Jalan Prawirotaman. Untung sopire iki apil Jogja, luweh nglothok timbang Mbah Google. Bocah-bocah (2 anakku lan 2 ponakanku), pesen es gelatin. Aku nyicipi thok nggo tombo kangen. Aku pesen kopi Gayo, bojoku kopi Bali. Ternyata, mantep kopi Gayone. (Tanpa gulo lho ngombene).

Kemepyar ngopi, mampir nang RSU PKU Muhammadiyah. Tilik sedulur sing lagi operasi sikhil. Lebare, menuju gudeg Bu Amad nang Jl Kaliurang UGM. Tuku dibungkus kanggo oleh-oleh sedulur. Mangan awan nang SGPC. Mangan pecel ben ora bosen karo opor ayam terus. Pecel tanpo sego, tempe goreng karo jeruk panas. Sinambi mangan, ngrungokke lagu-lagu lawas soko live music. Lagune kok jadul-jadul opo mergo sing mangan akeh wong tuwone? Mbuh lah.

Kopi

Move On Cafe

Nang kantin ini, kamera SLR ku ora ono nang mejo. Wah lensane loro he. Akhire takon nang kasir. Alhamdulillah, disimpenke pegawaine. Slamet-slamet kameraku. Wareg wetenge, seneng atine. Banjur mulih Magelang. (kabeh foto: Joko Harismoyo)

Kantin SGPC

Pengunjung SGPC

Buko poso ngombe bir, uenak lan anget

Sumber foto

Krungu suoro bedug, aku banjur ngombe teh mondo lan gorengan. Leren sedhelok, tak teruske ngombe bir dingin soko kulkas. Marai anget nang awak lan seger.

Bir sing tak maksudke dudu Bir Bintang opo Anker. Nanging bir pletok, ombean khas mBetawi. Warnane abang. Dikocok dhisik ben mumpluk, koyo bir tenan kae. Campur es batu. Pas diombe adem nang tenggorokan. Tunggu sak wetoro, weteng, tenggorokan lan langit-langite banjur anget.

Bedane karo bir sing ngandung alkohol, bir pletok ora marakke nguyuh terus. Lan sing penting ora ngandung alkohol. Dadi halal. Tur podho-podho marahi anget nak awak. Soal asal muasal dijenengi bir pletok, takono mbak Google wae. Lengkap, ono sing bahasa Indonesia lan Inggris.

Mbalik nang soal roso bir pletok. Yen tak amati lan rasakno mirip karo wedah uwuh soko ngayojokarto. Nanging, bir pletok luwih pedes lan rodo wangi. Koyo ono mricone. Selain kuwi ora ono bedane. Warnane yo abang semu coklat. Rasane legi.

Banjur, opo bedane wedang uwuh karo bir pletok? Deloken penjelasan nang ngisor iki!

1. Bahane
Bahan nggo gawe bir pletok yaiku jahe, cengkeh, biji pala, lada, sereh, kapulaga, kayu manis, daun pandan, daun jeruk, gula, kayu secang.

Coba bandingke karo bahane wedang uwuh: jahe, cengkeh, bunga cengkeh, batang cengkeh, daun cengkeh, kayu secang, pala, daun pala, kayu manis, daun kayu manis, akar sereh, daun sereh, gula batu, kapulaga.

Bahane meh podo. Bedane bir pletok ditambahi lada, daun jeruk, lan pandan. Mulane rasane bir pletok luwih pedhes tinimbang wedang uwuh. Lan ambune rodo wangi amergo godhong pandan. Warnane podho abnge amergo soko pengaruh kayu secang.

2. Penampilane
Wedang uwuh disajikke opo anane, lengkap karo godong lan kayu-kayune. Mulane disebut wedang uwuh (sampah). Sementara kuwi, bir pletok disajekke tanpo godhong lan kayu. Disaring dhisik. Dadi mung banyu abang. Luwih resik.

Saiki kowe wis ngerti bedane wedang uwuh karo bir pletok. Pilihin dewe, arep wedang sing resik opo koyo sampah nanging eksotik. Khasiate podho wae, marahi anget nak awak. (Sumber foto)

Jago Bal-balan Akhire Dadi Lurah

Foto: Klaten.tv

Tonggo sebelah omah, Pak Hariyadi, jago main bal-balan. Deweke pernah ngegolke naliko Persatuan Sepakbola Seluruh Magelang (PSSM) tanding karo PSSI. Skore 1-1. Pak Hariyadi nyetak gol soko tendangan penalti. 

Pertandingan iku sekitar akhir 1970-an. Naliko Pak Hariyadi mlebu nang TVRI, tonggone podho bungah, termasuk aku. Jenenge Pak Hariyadi dadi kondang. Ora mung nang Kelurahan Potrobangsan, tapi sak Magelang.

Sopo sing ora ngerti kehebatane kiper Ronny Pasla. Kelairan Medan, 15 April 1947 iku kiper kondang nang Indonesia, ugo nang Asia. Deweke pernah nggagalke tendangan penalti soko pemain kondang Brasil, Pele. Ing taon 1972 Brasil tur nang Asia, termasuk Indonesia. Meskio kalah 1-2, tapi pendukung bola lego. Amargo Ronny Pasla iso nandingi permainane Brasil.

Bayangno, Pele sing jago main bola sedunia wae ora iso nembus gawange Ronny Pasla. Ehh...Pak Hariyadi sing mung main nang PSSM iso naklukke Ronny. Opo wong-wong ora gumun. Padahal, jaman semono durung ono medsos koyokno Facebook, Instgram, Twitter, opo Path. Lha wong Friendster wae durung lahir. Durung kenal internet.

Tapi, berita lewat TVRI lan RSPD (Radio Siaran Pemerintah Daerah) cukup berhasil. Durung ono TV swasta, dadi opo wae sing disiarno TVRI mesti ditonton.

Aku kelingan, pertandingan kuwi digelar nang Stadion Abu Bakrin, cedhake Gedung Pertemuan Ahmad Yani. Pas nonton pertandingan PSIS Semarang lawan Borneo mau bengi (Rebo, 6 Juni 2018), anakku takon, "Iku ndak stadion sing nang pertelon bangjo kae?" Tak jawab iyo. Aku gumun saiki kok dadi apik. Padahal bodho wingi isih elek lho. Penasaran, aku googling. Ehhh alah ternyata sing dinggo tanding mau bengi iku Stadion Moch Soebroto nang GOR Sanden, Magelang Lor. Dudu Abu Bakrin. Suk bodho aku pengen ndelok stadion iki ah.

Mbalik nang cerito soal Pak Hariyadi. Naliko kuwi, Pak Hariyadi kerjo nang Pasar Rejowinangun (mbiyen aku nyebute Pasar Kidul) karo main bola. Klub PSSM iku milik Pemkot, lan Pak Hariyadi kerjo nang Pemkot iku.

Jamanku mbiyen, Lurah isih pilihan rakyat. Pilihan langsung, termasuk nang perkotaan (saiki Lurah kota ditunjuk Pemkot, ora pilihan koyo nang ndeso-ndeso kae). Pak Hariyadi nyalon Lurah. Aku lali mbiyen calone ono piro, lan gambare Pak Hariyadi opo. Biasane gambar sing dipilih telo, padi, opo jagung. Mbuh kok ora ono sing milih gambar singo, gajah opo monyet. Biasane bahan pangan sing dadi gambar lan lambang calon lurah.

Pak Hariyadi menang. Basan dadi Lurah, omahe Pak Hariyadi sing nang sampinge omahku didol. Pindah nang cedhak masjid. Mbangun sing luwih gedhe lan tingkat. Saiki Pak Hariyadi isih sehat. Desember wing pas bapakke sedo, dewek yo layat lan nyapa aku. Mung saiki wis ora main bal-balan maneh wong wis sepuh. (*)

Saatnya Mendirikan Klub Sepakbola Berbasis Agama

Foto: football-knowledge.com

Melihat akselerasi politik berbasis agama semakin kuat, boleh dipikirkan untuk mendirikan klub sepakbola berbasis agama yang diperbolehkan mengikuti kompetisi sepakbola nasional (Liga 1 Indonesia).

Usul yang terdengar aneh, nyleneh dan sak karepe dewe. Tapi, ya ndak apa-apa tho, wong namanya usul. Ini juga bukan asal njeplak dari orang pekok. Ada sejarah klub yang dibangun bernuansa politis tetapi membuahkan hasil menakjubkan. Siapa klub itu? BARCELONA.

Barcelona, atau sering disingkat Barca, didirikan pada 1899 oleh sekumpulan pemain Swiss, Inggris dan Spanyol yang dipimpin Joan Gamper. Meski didirikan oleh sebagian orang asing, lambat laun Barca menjadi klub yang mengadopsi nilai-nilai Catalonia.

Ketika Spanyol menuju ke Otokrasi pada 1925, Catalonia semakin 'bermusuhan' dengan Madird sebagai ibukota Spanyol. Dan saat Fransisco Franco melarang penggunaan bahasa Catalonia, Barcelona menjadi salah satu tempat untuk mengekspresikan kekecewaan tersebut. 'Bibit' permusuhan itu terus terbina sehingga Barcelona dan Real Madrid menjadi klub papan atas, dan paling sering menjuari La Liga, kompetisi bergengsi di negeri itu.

Nah, saat politisi negeri tercinta kita ini sering menggunakan isu agama untuk kepentingan politik mereka, potensi keretakan di akar rumput semakin menguat. Mengapa fanatisme itu tidak disalurkan ke bidang olahraga yang memungkinkan untuk itu. Fanatisme kedaerahan bisa ditampung melalui klub semacam Bali United, Persija Jakarta, Madura United, Persib Bandung, Persebaya Surabaya atau Tidar Sakti Magelang (zaman dulu banget, mungkin kalian anak alay belum lahir).

Boleh juga dong kita mendirikn klub sepakbola dengan nama Jihad United, Syukron, Pelita, Merpati, Telor Paskah, Syiwa, Bola Kejawen, atau Wiwitan Klub, . Kostum dan penampilan boleh menyesuaikan dengan keyakinan. Misalnya, pemainnya berjenggot. Tapi jangan memakai gamis atau surjan karena menyulitkan gerak saat bertanding.

Bayangkan jika klub-klub ini bertanding. Suporter bakal seru. Misal Bola Kejawen berhadapan dengan Syukron di Stadion Pakansari, Cibinong, Bogor. Pendukung Syukron menggunakan gamis dan dzikir sepanjang pertandingan, sementara suporter Bola Kejawen matek aji keris dan mengelus-elus akik agar klubnya menang. Aroma minyak nyong-nyong, kembang kanthil dan menyan merebak di stadion. Unik dan menarik perhatian.

Dengan demikian fanatisme agama dan kepercayaan mendapatkan penyaluran yang tepat. Apakah selalu berhasil? Belum tentu juga. Wong Barcelona saja masih ingin merdeka dengan menyatakan kemerdekaannya pada 27 Oktober 2017. Meski gerakan ini akahirnya bisa redam. Namun, melalui klub Barca, pendukung Catalonia bisa mengekspresikan kebencian pada Madrid melalui saluran konstruktif.

Bagaimana, siap mendirikan klub Mpu Gandring? *